డెహ్రాడూన్ కాన్సర్ట్లో జాస్మిన్ సాండ్లాస్పై అసభ్య ప్రవర్తన వీడియో వైరల్
Indiabreakingdaily.com – ప్రముఖ పంజాబీ పాప్ కళాకారిణి జాస్మిన్ సాండ్లాస్కు ‘ధురంధర్’ సినిమాలోని ‘జైయే సజన’ పాట ద్వారా తెలుగు ప్రేక్షకులు గుర్తుకు వచ్చారు. ఇటీవల డెహ్రాడూన్లో జరిగిన ఒక సంగీత కార్యక్రమంలో ఆమెపై కొందరు అభిమానులు తీవ్ర అసభ్యంగా ప్రవర్తించినట్లు వార్తలు వస్తున్నాయి. ఈ సంఘటనకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.
స్టేజీపై జరిగిన ఘటన ఏమిటి?
పరేడ్ గ్రౌండ్లో నిర్వహించిన ఈ మ్యూజిక్ ఈవెంట్కు వేలాది మంది అభిమానులు వచ్చారు. జాస్మిన్ తన హిట్ పాటలు ‘సిప్ సిప్’, ‘శరారత్’, ‘లావన్’ వంటి వాటితో ప్రేక్షకులను అలరించారు. ప్రదర్శన ముగిసిన తర్వాత ఆమె స్టేజ్కు సమీపంలో ఉన్న అభిమానులను పలకరిస్తూ, వారిచ్చిన గులాబీ పూలను స్వీకరిస్తూ ముందుకు వెళ్లారు.
ఈ సమయంలో అభిమానులు ఆమెకు షేక్ హ్యాండ్ ఇవ్వడానికి, దగ్గరకు వెళ్లేందుకు ప్రయత్నించారు. అయితే, వీడియోలో కనిపించినట్లుగా, కొందరు వ్యక్తులు జాస్మిన్తో అసభ్యంగా ప్రవర్తించినట్లు ఆరోపణలు వస్తున్నాయి. స్టేజీపై ఆమె మైక్లో మాట్లాడుతుండగానే, కింద ఉన్న ఆకతాయిలు ఒక్కసారిగా ఆమె చేయి పట్టుకుని కిందకు లాగేందుకు ప్రయత్నించారని వార్తలు వస్తున్నాయి. ఏ క్రమంలోనే అక్కడ పరిస్థితి ఒక్కసారిగా ఉద్రిక్తంగా మారినట్లు పలు కథనాలు చెబుతున్నాయి.
అభిమానుల నుండి ఆగ్రహం, భద్రతపై విమర్శలు
ఈ వీడియో వైరల్ కావడంతో నెటిజన్లు తీవ్ర ఆగ్రహం వ్యక్తం చేస్తున్నారు. కళాకారులు అభిమానులను కలవడానికి ముందుకు వచ్చినంత మాత్రాన వారి వ్యక్తిగత హద్దులను దాటకూడదని, మహిళా కళాకారులతో గౌరవంగా ప్రవర్తించాలని పలువురు సోషల్ మీడియాలో కామెంట్లు చేస్తున్నారు.
మహిళా సింగర్లకు అస్సలు రక్షణ లేకుండా పోతోంది.. లైవ్ ఈవెంట్స్ నిర్వాహకులు భద్రత విషయంలో కట్టుదిట్టమైన చర్యలు తీసుకోవాల్సిందే!
మరోవైపు ఈ విషయంపై సోషల్ మీడియాలో చర్చ జరుగుతోంది. కళాకారులకు అర్హత ఉన్న గౌరవం లభించాలని, హరాసమెంట్కు పాల్పడకూడదని నెటిజన్లు డిమాండ్ చేస్తున్నారు.
అదే కార్యక్రమంలో నిశ్చితార్థ ప్రకటన
ఈ ఘటన జరిగిన అదే కార్యక్రమంలో జాస్మిన్ సాండ్లాస్ తన కాబోయే భర్త శేఖర్ చౌదరిని వేదికపైకి ఆహ్వానించి, తమ నిశ్చితార్థాన్ని అభిమానుల సమక్షంలో ప్రకటించారు. ఆమె తన ఎంగేజ్మెంట్ రింగ్ను కూడా చూపించగా ప్రేక్షకులు హర్షధ్వానాలతో అభినందించారు.
అయితే, ఆ హ్యాపీ మూమెంట్స్ ముగిసిన కొద్దిసేపటికే జరిగిన ఈ ఘటనకు సంబంధించిన వీడియో వైరల్ కావడంతో ప్రస్తుతం అది సోషల్ మీడియాలో చర్చనీయాంశంగా మారింది. ఈ ఘటనపై జాస్మిన్ సాండ్లాస్ ఇప్పటివరకు అధికారికంగా స్పందించలేదు. అలాగే వైరల్ వీడియోలో కనిపిస్తున్న ఆరోపణలపై కూడా అధికారిక ధృవీకరణ రావాల్సి ఉంది.
Shameful. 💔 Singer Jasmine Sandlas was allegedly inappropriately touched by some people while greeting fans after her performance in Dehradun. Artists deserve respect, not harassment. This mindset has to change. #JasmineSandlas #RespectWomen #Dehradun #Concert #Viral
