మిల్లర్లు బకాయిలు కట్టాల్సిందే.. ఎగవేస్తే కఠినచర్యలు: సీఎం రేవంత్ రెడ్డి

ధాన్యం బకాయిల వసూళ్లపై సీఎం రేవంత్ రెడ్డి కఠిన ఆదేశాలు

Indiabreakingdaily.com – మ ల లర ల బక య ల – హైదరాబాద్‌లో బుధవారం (ఆగస్టు 12) పౌర సరఫరాల శాఖ మంత్రి ఉత్తమ్ కుమార్ రెడ్డితో కలిసి సీఎం రేవంత్ రెడ్డి ధాన్యం బకాయిలపై సమీక్ష నిర్వహించారు. ఈ సందర్భంగా మిల్లర్లకు స్ట్రాంగ్ వార్నింగ్ ఇస్తూ, వెంటనే బకాయిలు కట్టాల్సిందేనని అధికారులకు ఆదేశాలు జారీ చేశారు.

గత ప్రభుత్వం మిల్లర్లపట్ల ఎంతో ఉదారంగా వ్యవహరించిందని, దీనివల్ల వేలకోట్ల రూపాయల బకాయిలు పేరుకుపోయాయని సీఎం వివరించారు. ఆ తప్పును తమ ప్రభుత్వంపై రుద్దేందుకు మిల్లర్లు ప్రయత్నిస్తున్నారని ఆయన అభిప్రాయపడ్డారు.

ఉద్దేశపూర్వకంగా ఎగవేతకు పాల్పడితే కఠిన చర్యలు తప్పవని సీఎం స్పష్టం చేశారు.

ఇప్పటికే బకాయిల వసూళ్లలో కొంత పురోగతి ఉందని, అన్ని బకాయిలు వసూలు చేసేందుకు ఒక ప్రణాళిక రూపొందించాలని సీఎం కోరారు. మంత్రివర్గ ఉపసమితి పరిశీలన అనంతరం ప్రభుత్వం తుది నిర్ణయం తీసుకుంటుందని ఆయన తెలిపారు.

మహిళా సంఘాలకు ధాన్యం మిల్లింగ్ బాధ్యతలు

మొండి బకాయిలు ఉన్న మిల్లర్లకు ధాన్యం ఇవ్వకుండా, ఆ మొత్తాన్ని మహిళా సంఘాలకు కేటాయించి మిల్లింగ్ బాధ్యతలు అప్పగించేందుకు ప్రభుత్వం సిద్ధమవుతోంది. ఈ నిర్ణయంపై మంత్రి సీతక్క హర్షం వ్యక్తం చేశారు.

మహిళా సంఘాలను ఆర్థికంగా బలోపేతం చేసేందుకు సీఎం రేవంత్ రెడ్డి తీసుకున్న నిర్ణయం గొప్పదని మంత్రి సీతక్క కొనియాడారు.

మహిళా సాధికారతకు ఇది మరో ముందడుగు అని, గ్రామీణ మహిళలకు ఉపాధి మరియు ఆదాయ అవకాశాలు మరింత మెరుగవుతాయని మంత్రి సీతక్క అన్నారు.

ధాన్యం నిల్వలకు కొత్త పద్ధతులు

ప్రతి సీజన్‌లో ధాన్యం నిల్వలకు ఎదురవుతున్న ఇబ్బందులపై కూడా సమీక్షించారు. నల్లగొండ, సూర్యాపేట, నిజామాబాద్, పెద్దపల్లి, కామారెడ్డి జిల్లాల్లో సైల బ్యాగ్ నిర్మాణాలను పైలెట్ ప్రాజెక్టు కింద చేపట్టాలని సీఎం ఆదేశించారు.

మహిళా సంఘాల ఆధ్వర్యంలో సైలో బ్యాగుల నిర్మాణానికి నియోజకవర్గానికి 50 నుంచి 100 ఎకరాల భూమిని కేటాయిస్తామని సీఎం ప్రకటించారు. ఉపాధిహామీ పథకం కింద ప్లాట్‌ఫాంల నిర్మాణానికి ఉన్న అవకాశాన్ని వినియోగించుకొని, విశాలమైన ప్లాట్‌ఫాంలు నిర్మించి జర్మన్ టెంట్లతో ధాన్యం నిల్వ చేయడంపై కూడా పరిశీలించాలని ఆయన అన్నారు.