విద్యార్థులను రక్తం వచ్చేలా కొట్టినందుకు ప్రధాని మోడీ, అమిత్ షా ఇద్దరూ రాజీనామా చేయాలి: ఖర్గే

విద్యార్థులపై దాడులకు మోడీ, షా రాజీనామా చేయాలి: ఖర్గే

Indiabreakingdaily.com – వ ద య ర థ లన రక – ఏఐసీసీ అధ్యక్షుడు మల్లికార్జున ఖర్గే శాంతియుతంగా తమ అభిప్రాయాలు వ్యక్తం చేస్తున్న విద్యార్థులపై పోలీసులు చేసిన బలప్రయోగానికి నిరసనగా ప్రధానమంత్రి నరేంద్ర మోదీ, కేంద్ర హోం మంత్రి అమిత్ షా తమ పదవులకు రాజీనామా చేయాలని డిమాండ్ చేశారు. పార్లమెంట్‌లో జరిగిన మార్చ్ సందర్భంగా సీజేపీ కార్యకర్తలపై పోలీసులు చూపిన దాడులకు వ్యతిరేకంగా మంగళవారం (జులై 21) కాంగ్రెస్ పార్టీ ప్రధాని నివాసం వద్ద మెరుపు ధర్నా నిర్వహించింది.

రాహుల్ ఆధ్వర్యంలో సమావేశం

లోక్ సభ ప్రతిపక్ష నేత రాహుల్ గాంధీ నేతృత్వంలో జరిగిన ఈ సమావేశంలో మల్లికార్జున ఖర్గే పాల్గొన్నారు. ఈ సందర్భంగా ఆయన మాట్లాడుతూ, నీట్ పరీక్ష పేపర్ లీక్ అయ్యింది, విద్యా వ్యవస్థలో అక్రమాలు జరుగుతున్నాయని విద్యార్థులు గళం విప్పిన సందర్భంలో కాంగ్రెస్ పార్టీ వారికి పూర్తిగా అండగా ఉంటుందని స్పష్టం చేశారు.

మోడీ సర్కార్‌ను నింకుశ ప్రభుత్వంగా వర్ణించిన ఖర్గే, శాంతియుతంగా ఆందోళన వ్యక్తం చేస్తున్న విద్యార్థులపై జరిగిన లాఠీచార్జ్, బలప్రయోగంపై ప్రభుత్వం సమాధానం చెప్పాల్సి ఉంటుందని అన్నారు.

యువతపై జరుగుతున్న ఈ దమనకాండ, అణచివేతకు ప్రధాని మోడీ, అమిత్ షా బాధ్యులని పేర్కొన్న ఖర్గే, దీనికి బాధ్యత వహిస్తూ ఇద్దరు తమ పదవులకు రాజీనామా చేయాలని డిమాండ్ చేశారు.

ప్రధాని ఇంట మెరుపు ధర్నా

సీజేపీ నిరసనకారులపై లాఠీఛార్జ్‌ను నిరసిస్తూ కాంగ్రెస్ పార్టీ ప్రధాని నరేంద్ర మోదీ ఇంట ముట్టడికి యత్నించింది. ప్రధాని మోదీ ఇంట దగ్గరలో మెరుపు ధర్నాకు దిగింది. ఈ ధర్నాలో రాహుల్ గాంధీ, ప్రియాంక గాంధీ, కాంగ్రెస్ ప్రెసిడెంట్ మల్లికార్జున్ ఖర్గే భాగమై ప్రధానికి వ్యతిరేకంగా నినాదాలు చేశారు. కాంగ్రెస్ ఎంపీలను పోలీసులు అరెస్ట్ చేసి అక్కడి నుంచి తరలించారు.

చేతులకు తాళ్లు కట్టుకుని ప్రభుత్వ తీరును, పోలీసుల తీరును కాంగ్రెస్ నేతలు ఎండగట్టారు. ప్రధాని మోదీ, విద్యా శాఖ మంత్రి ధర్మేంద్ర ప్రధాన్ రాజీనామా చేయాలని కాంగ్రెస్ డిమాండ్ చేసింది.

నిరసనలో భాగమైన కాంగ్రెస్ ప్రముఖ నేతలంతా చేతులకు తాళ్లు కట్టుకుని ప్రభుత్వం ప్రజాస్వామ్యాన్ని ఖూనీ చేస్తుందని, గొంతెత్తితే బేడీలు వేసి బంధిస్తుందని రాహుల్ గాంధీ మండిపడ్డారు.

విద్యాశాఖ మంత్రిగా ఫెయిలైన ధర్మేంద్ర ప్రధాన్‌తో కనీసం రాజీనామా చేయించలేని అసమర్థ ప్రధాని మోదీ అని రాహుల్ ఎద్దేవా చేశారు. దేశంలో 152 సార్లు పేపర్లు లీకై, 7.5 కోట్ల మంది విద్యార్థుల జీవితాలు అగమ్యగోచరంగా మారినా ఒక్క దోషికి శిక్ష పడలేదని మండిపడ్డారు.

చదువు, భవిష్యత్తుపై న్యాయమైన ప్రశ్నలు అడిగితే లాఠీదెబ్బలు, అరెస్టులు బహుమతిగా ఇస్తున్నారని ధ్వజమెత్తారు. పేపర్లు లీక్ నేరస్తులు స్వేచ్ఛగా తిరుగుతుంటే, న్యాయం కోసం గొంతెత్తిన విద్యార్థులను చితక్కొడుతున్నారని రాహుల్ గాంధీ ఆవేదన వ్యక్తం చేశారు.