‘ఇదేం రాజకీయం? ఇదేం ఎజెండా?’.. ఓటర్ లిస్ట్‌పై మరోసారి విరుచుకుపడ్డ ప్రకాశ్ రాజ్!

ప్రకాశ్ రాజ్ ఓటరు జాబితా వివాదంపై మండిపాటు

Indiabreakingdaily.com – ఇద ర జక య ఇద ఎజ డ – విలక్షణ నటుడు ప్రకాశ్ రాజ్ తన పేరు ఓటరు జాబితా నుండి తొలగించబడిన విషయంపై తీవ్ర ఆగ్రహం వ్యక్తం చేశారు. లేటెస్ట్‌గా కొత్త ఓటరు కార్డు కోసం ఫారమ్ 6 ద్వారా మళ్లీ దరఖాస్తు చేసుకోవాల్సిన పరిస్థితి వచ్చిందని ఆయన సోషల్ మీడియాలో పేర్కొన్నారు. ప్రతి పౌరుడి ప్రాథమిక హక్కు ఓటు హక్కు అయినప్పటికీ, దాని కోసం ప్రజలు క్యూలైన్లలో నిలబడి భిక్షమెత్తుకోవాల్సిన పరిస్థితి ఏమిటని ఆయన నిలదీశారు.

పౌరుడిగా నా హక్కుల గురించి మాట్లాడుతున్నా

నా వృత్తి వల్ల నేను సెలబ్రిటీ అయి ఉండొచ్చు కానీ, అంతకంటే ముందు నేను ఒక పౌరుడిని అని ప్రకాశ్ రాజ్ స్పష్టం చేశారు. దేశంలోని ప్రతి పౌరుడికి ఉన్న హక్కులే నాకు కూడా ఉన్నాయని ఆయన అన్నారు. ఇది కేవలం ప్రకాశ్ రాజ్ సమస్య కాదు, ప్రతి పౌరుడి హక్కుకు సంబంధించిన ప్రశ్న అంటూ ఆయన గళమెత్తారు. తాను ఈ అంశాన్ని సోషల్ మీడియాలో ప్రస్తావించిన కొద్దిగంటల్లోనే అది లక్షలాది మందికి చేరిందని తెలిపారు.

ఇదేం రాజకీయం? ఇదేం ఎజెండా?

ఓటు హక్కు కోసం ప్రజలు క్యూల్లో నిలబడి అధికారులను వేడుకోవాల్సిన పరిస్థితి ఎందుకు వచ్చిందని ఆయన ప్రశ్నించారు. తనకు అధికారులు ఫోన్ చేసి పొరపాటు జరిగిందని, సమస్యను సరిదిద్దుతామని చెప్పారని ప్రకాశ్ రాజ్ తెలిపారు. దీనికి సంబంధించిన కాల్ రికార్డులు తన వద్ద ఉన్నాయని ఆయన పేర్కొన్నారు.

అధికారులు మీడియా సమావేశం నిర్వహించి, వెబ్‌సైట్‌లోని వివరాలను మార్చారని ఆయన ఆరోపించారు. ఆ తర్వాత తన పాత చిరునామాకు బీఎల్‌వోను పంపించి, పొరుగువారిని విచారిస్తూ నాటకీయ పరిణామాలకు తెరతీశారని విమర్శించారు.

కర్ణాటక బీజేపీ మరియు ఎన్నికల అధికారుల వాదన

అయితే ఈ ఆరోపణలపై కర్ణాటక బీజేపీ భిన్నమైన వాదనను వినిపించింది. అధికారుల పరిశీలన ప్రకారం ప్రకాశ్ రాజ్ పాత చిరునామాలో నివసించడం లేదని, అందుకే ఆయన ఓటరు నమోదును షిప్ట్ గా గుర్తించినట్లు పేర్కొంది. కొత్త చిరునామాలో నమోదు కోసం నిబంధనల ప్రకారం దరఖాస్తు చేసుకునే అవకాశం ఉందని తెలిపింది.

అటు ఎన్నికల అధికారులు కూడా ఇప్పటికే ప్రకాశ్ రాజ్ వ్యాఖ్యలపై ఘాటు సమాధానం ఇచ్చారు. ప్రకాశ్ రాజ్ ఓటును ఎలాంటి ఏకపక్ష నిర్ణయంతో తొలగించలేదన్నారు. ప్రత్యేక ఓటరు సవరణ (SIR)లో భాగంగా నిబంధనల ప్రకారమే చర్య తీసుకున్నామని స్పష్టం చేశారు.

ప్రస్తుతం ఈ వివాదం ప్రకాశ్ రాజ్ వర్సెస్ ఎన్నికల అధికారులు అన్న విధంగా మారిపోయింది. సోషల్ మీడియాలో ఈ వివాదంపై భిన్నాభిప్రాయలు వ్యక్తం అవుతున్నాయి. అసలు ప్రకాశ్ రాజ్ ఆరోపణల్లో నిజం ఎంత? ఎన్నికల అధికారుల వివరణలో ఎంత వాస్తవం ఉంది? అన్నదానిపై నెట్టింట హాట్ టాపిక్ గా మారింది.

Fraand … You can’t abuse the DIGNITY of a CITIZEN #justasking

తరచుగా అడిగే ప్రశ్నలు (FAQ)

ప్రకాశ్ రాజ్ పేరు ఓటరు జాబితా నుండి ఎందుకు తొలగించబడింది? ఎన్నికల అధికారులు ప్రకాశ్ రాజ్ పాత చిరునామాలో నివసించడం లేదని గుర్తించారు. ప్రత్యేక ఓటరు సవరణ (SIR) ప్రక్రియలో భాగంగా నిబంధనల ప్రకారమే ఆయన పేరు తొలగించబడింది.

ప్రకాశ్ రాజ్ ఇప్పుడు ఏం చేయాలనుకుంటున్నారు? ఆయన ఫారమ్ 6 ద్వారా కొత్త ఓటరు కార్డు కోసం దరఖాస్తు చేసుకోవాలనుకుంటున్నారు. అలాగే, తన వద్ద ఉన్న కాల్ రికార్డులను విడుదల చేయడానికి సిద్ధంగా ఉన్నారని పేర్కొన్నారు.

ఈ వివాదంపై కర్ణాటక బీజేపీ స్పందన ఏమిటి? బీజేపీ వాదన ప్రకారం, ప్రకాశ్ రాజ్ పాత చిరునామాలో నివసించడం లేదు. అందుకే షిఫ్ట్ గా గుర్తించారు. కొత్త చిరునామాలో నమోదు కోసం దరఖాస్తు చేసుకోవచ్చు.

సాధారణ పౌరులు ఈ సమస్య ఎదుర్కొంటే ఏం చేయాలి? ఓటరు జాబితా నుండి పేరు తొలగించబడితే, ఫారమ్ 6 ద్వారా దరఖాస్తు చేసుకోవచ్చు. అధికారులతో సంప్రదించి, అవసరమైన ధృవీకరణ పత్రాలను సమర్పించాలి.